Reenactment, of libbene skiednis, is in hobby dêr't men in histoaryske perioade en kultuer sa wierheidsgetrou as mooglik besiket út te byldzjen. By dizze hobby hawwe se klean oan út de perioade dy't se útbyldzje, wêryn sy op eveneminten besikers te wurd steane oer de tiid dy't se útbyldzje en faak ek ambachten útfiere. Reenactment sil faak ek yn'e mande mei it dwaan fan ûndersyk om de opdiene teory yn praktyk út te byldzjen oan besikers.

Foar ús is it edukasjonele aspekt fan belang. Wy bylden in relatyf ûnbekend stik skiednis fan Nederlân út en fine it wichtich om it publyk wat mei te jaan fan wêr't sy weikomme. Foar ús is it dwaan fan ûndersyk nei ús oarsprong, ús útbylding basearje op boarnen en it publyk op dizze wize ûnderwize in grut plezier dat wy mei in soad leafde dogge!

Frisia is de namme fan in histoarysk gebiet dat yn de Romeinske tiid en de Midsiuwen bestie. Yn de tiid dy't wy útbyldzje, 825 n.chr., omfette Frisia it kustgebiet tusken de rivieren Swin en Wezer. Dat gebiet wurdt yn de Lex Frisionum, in iermidsiuwsk Fryske rjochtstekst, fierder ferdield yn West-Frisia (it hjoeddeiske Hollân en Seelân), Midden-Frisia (ús Fryslân) en East-Frisia (hjoeddeiske Grinslân en Ost-Friesland in Dútslân). Restanten fan it histoaryske Frisia binne noch te finen yn de nammen van'e lânstreken West-Friesland in Hollân, ús hjoeddeistige Fryslân en Ost - en Nord-Friesland in Dútslân.

Ús útbylding rjochtet him op de gebieden dy't yn de Lex Frisionum neamd wurde; West-Frisia, Midden-Frisia en East-Frisia.

Goede fraach! Wy hawwe foar de njoggende iuw keazen, omdat it nei de ferovering falt fan Frisia troch de Franken en kréi it begjin fan de Wytsingtiid omfettet. Yn dy tiid is der op in soad flakken in soad geande yn Frisia, lykas op religieus flak (kerstening), polityk flak (ynfallende wytsings) en ekonomysk flak (ûntwikkeling muntekonomy en ûntginnings), wat it gebiet tige spannend makket en allegearre as edukaasjemateriaal yn de útbylding opnommen wurde kin. Boppedat is oer dizze tiid genôch literatuer te finen om der in skaplike útbylding fan te meitsjen, en is it in relatyf ûnbekend stik skiednis út eigen lân dat mear omtinken fertsjinnet. Sadwaande gjin reden om dizze iuw net ynteressant te finen!